BGP/UGP 2008 (03.01.09) Kjetil Andås fekk til slutt full score, 100 poeng, i den landsdekkande BGP/UGP serien. Førsteplassen i klasse miniputt delar han med 7 andre spelarar frå heile landet. Jentene på Masfjorden 3 i Vestlandsserien markerte seg i klasse ungdom, der Anita kom på 2. plass, Evy på 5. plass og Lisbeth på 10. plass. Noko forseinka har vi lagt ut bilder frå BGP-turneringa vi hadde 14. desember. Fotograf for dagen var Audun Hølleland. Nytt sjakkår (01.01.09) Odd vart siste spelar ut i turnering i 2008 for klubben. Søndag 28. desember deltok han i Hurtigsjakk for seniorar i Oslo. Her vart det 4 poeng av 7 mogelege og ein 8. plass blant 22 deltakarar. Vidar Taksrud vann turneringa med 5,5 poeng. Tor Kristian er allerede i gang med det nye sjakkåret som klubben sin einaste deltakar i Gjøvik Sjakkfestival der han er med i Jubileumsturnering A. Etter 3 rundar står han med 1 poeng etter å ha møtt sterk motstand i alle rundane. Januar og februar er som vanleg travle sjakkmånader for klubben. Tabellen viser aktiviteten i dei kommande vekene: 17. - 18. januar Vestlandsserien 30. januar - 1. februar Masfjorden Grand Prix 2009 6. - 8. februar NM i sjakk for jenter 14. - 15. februar Vestlandsserien Romjulsturneringen i Bergen (28.12.08) Romjulsturneringen i Bergen samla 23 spelarar til dyst på laurdag. FM Harald B. Borchgrevink sigra med 5 av 6 poeng. IM Eirik Gullaksen og Joachim B. Nilsen kom på 2. og 3. plass med 4,5 poeng. Anita Bratbak var einaste deltakar frå Masfjorden. Med 2,5 poeng kom ho på 18. plass og sigra i klasse 4. Sjakk i Knarvik senter (20.12.08) Jentelaget til Masfjorden Sjakklubb skal ha stand i Knarvik senter frå klokka 12.00 på laurdag. Her er det mogleg å stressa ned med eit roleg parti sjakk i førjulsstria. Det blir og sal av julenissar til støtte for drifta av jentelaget som er det einaste i sitt slag i Noreg. Masfjorden Jubileums BGP IV (17.12.08) 20 spelarar fant vegen til Sandnes skule i førjulsstria sist søndag. Klasse ungdom, kadett og lilleputt spelte saman i ei gruppe på 10 spelarar. Evy var einaste deltakar i klasse ungdom og sigra i den klassen sjølv etter å ha gitt fleire tidlege julepresangar i den samanslåtte gruppa. Sigve gjekk til topps i gruppa, og sikra med det sigeren i klasse kadett. Mathias Sætre (Bergens) sigra i klasse lilleputt. I klasse miniputt var det og 10 spelarar. Her gjekk Kjetil til topps med 6 av 6 poeng.  Adrian Hitland (Bergens) kom på andreplass og Sondre Mjanger på tredje. Resultalister  Turneringar i helga (10.12.08) Førstkommande lørdag arrangerer Bergens SKU Jule BGP/UGP i Ulriken Bydelsenter. Dagen etter, på søndag, blir den 4. Jubileums BGP/UGP arrangert på Sandnes skule. Vestlandsserien (07.12.08) Andre og tredjelaget spelte i dag 3. runde i årets Vestlandsserie mot Bergens 6 og Bergens 4. Andrelaget klarte noko overraskande poengdeling mot Bergens 6 som var ratingfavorittar på alle bord. Bjørn sigra mot Henning Bolstad på 1. bord, Kjetil sigra mot Mathias Sætre på 3. bord. Jentene på tredjelaget gjekk på ein liten smell 1-3 mot Bergens 4. Herborg fekk redda remis på 1. bord mot Jørgen Hoel, Anita fekk remis mot Jonas H. Rasmussen på 3. bord. Jentene var ratingfavoritter på dei tre første borda. Vestlandsserien tar pause fram til 17. januar då 2 av dei sterkaste laga i 2. divisjon kjem til Sandnes skule. 2. laget møter Voss, og 3. laget møter Nordnes. Vestlandsserien (06.12.08) Alle 3 laga til klubben spelte heimekamp på Sandnes skule i dag. 1. laget gjekk på ein smell mot Bergens 3 i første divisjon sjølv om kampen starta med wo poeng på 5. bord. Tor Krisstian, Arn-Tore, Odd og Odd Helge måtte i tur og orden strekka labb og innsjå at det vart med det eine poenget. Begge laga våre i 2. divisjon tapte med sifra 1,5-2,5. Gutane på 2. laget tapte mot Bergens 4, jentene på 3. laget tapte mot Sotra 2. Dagens lyspunkt var jentelaget sin nye spelar, Herborg Hansen frå Færøyane, som snudde eit vanskeleg parti til siger mot Torben Kallesøe. Evy spelte remis mot Oddbjørn Hagen. Sigve Hølleland sigra mot Flemming Aas, Kjetil fekk ein heldig evigsjakk mot Benjamin Haldorsen. Bilder NM for Ungdom (23.11.08) Etter andre dag av NM for Ungdom i Tromsø har alle klubben sine spelarar plukka poeng. Alexander spelar i ein svært sterk A-klasse. Etter 5 rundar står han med respektable 2,5 poeng. Sigve ligg på 12. plass med 3 av 5 i klasse C etter 5 rundar. Per Magnus har 2 poeng i samme klasse. Kjetil har 2,5 poeng i klasse E. NM blir avslutta i dag (søndag) med rundestart klokka 09.00 og siste runde klokka 12.30. Bronstein CUP (15.11.08) Fleire av klubben sine spelarar fant vegen til Liljevatnet skole på Sotra i dag. Sigve Hølleland tok med seg klassesiger i klasse 5, Anita Bratbak klassesiger i klasse 4 og Tore-Inge Bratteteig tok 2. plass i klasse 3 i Bronstein Cup. Turneringa som tel i den landsdekkande NVGP-serien vart vunne av FM Kjetil Stokke frå Bergens. Bronstein CUP (10.11.08) Førstkommande laurdag arrangerer Sotra sjakklubb den etterkvart så tradisjonsrike hurtigsjakkturneringa Bronstein CUP. Etter lagsjakk i helga med lang betekningstid, kan jo hurtigsjakk vera ein fin avveksling. Seriesjakk (09.11.08) Klubben stiller med 3 lag i årets serie. Masfjorden 1 spelar i 1. divisjon, Masfjorden 2 og 3 i 2. divisjon. 1. laget måtte reisa med svekka lag til Førde i 1. runde i dag. Her vart det tap 2-3 mot eit toppa Førde lag. Poenga kom med remis for Tor Kristian på 1. bord, siger for Arn-Tore på 2. bord og remis for Tore-Inge på 5. bord. 2. og 3. laget spelte innbyrdes oppgjer på Sandnes skule. 3. laget stilte som favorittar på 1. og 2. bord. 2. laget var favorittar på 3. og 4. bord, så dette borga for eit spanande oppgjer. Først ferdig var Kjertsi og Kjetil på 3. bord. Dette enda med favorittsiger til Kjetil. Ikkje lenge etterpå stillte Helen spørsmålet: "Vant eg?" på 4. bord. I og med at Per Magnus då sto i matt, kunne Helen bokføra siger i sin seriedebut. Stillinga var då 1-1. Sigve kontrollerte inn remis på 1. bord mot Evy. Storebror Haugsdal, Hogne kjempa lenge mot Anita på 2. bord, men måtte nøya seg med remis han og. Sluttresultatet vart då 2-2 og lagpoeng til begge laga våre. Vi gratulerer ellers vår tidligare førstebordsspelar, Stig K. Martinsen med ein perfekt debut i eliteserien for Bergens. Det vart 3 av 3 på 6. bord! Oppdatering (09.11.08) I KM for ungdom fekk Masfjorden SKU 2 kretsmeistrar. Per Magnus vant klasse C, 13-14 år, og Kjetil vant klasse E, 11 år. Odd har dei siste vekene deltatt i VM for senior i Tyskland. Odd tok her 4,5 poeng av 11 moglege. Meir om dette seinare. KM for ungdom (14.10.08) På førstkommande laurdag arrangerer Bergens Schakklub Ungdom KM for ungdom i Ulriken Bydelssenter. Turneringa er kvalifisering til NM for ungdom som går i Tromsø 21-23. november. Landsturneringen 2009 (13.10.08) Sist laurdag vart den offisielle heimesida for neste års Landsturnering i Bergen publisert. Det er allerede no mogleg å melda seg på, noko som ein del allerede har nytta seg av. Nordnes GP (05.10.08) Sigve fullførte Nordnes GP med stil, 4 sigrar av 4 moglege. I tillegg til remis på wo fredag vart det totalt 4,5 av 5 moglege og 1. plass i gruppe B. Med dette tar han 30 GP-poeng i både klasse 3 og 4. I tillegg til premie og 40-50 ratingpoeng. Kjetil fekk det tyngre, og avslutta med tap i begge rundane i dag. Det vart tilslutt 1,5 poeng og 10. plass i gruppe B. Alexander møtte og sterk motstand i dag. Begge hans parti enda og med tap i gruppe A. Det vart tilslutt 2 av 5 moglege poeng og 17. plass i den 26 mann store gruppa. Nordnes GP (04.10.08) I tredje runde vant Alexander mot Terje Lie (1297). I 4. runde som går søndags morgon skal han møta Halvard Hagesæther (2234). Tidlegare medlem i klubben, Stig K. Martinsen no Fana, er i leiinga i gruppe A med full score, 3 av 3 poeng. Sigve vann klubboppgjeret mot Kjetil i gruppe B og er med det på tredelt førsteplass i gruppa med 2,5 poeng. I morgon møter han Mathias Sætre (853). Kjetil møter i morgon Anders Tofte (932). Nordnes GP (04.10.08) Alexander tapte første runde i A-gruppa av Nordnes GP mot Herborg Hansen (1831).  I andre runde som vart spelt laurdag føremiddag vart det siger for Alexander mot Odd Christoffersen (1571). Sigve og Kjetil valgte å stå over fredagens første runde i B-gruppa. I 2. runde sigra Sigve mot Anders Tofte (971), og Kjetil sigra mot Håkon N. Nordstrøm (-). Turneringar (03.10.08) Laurdag startar NM i hurtigsjakk for seniorar med Odd som 5. rangert i gruppe A. Det er 19 spelarar påmeldt i gruppe A, 44 totalt. Mens Odd er i Fredrikstad og spelar seniorsjakk, er 3 av klubben sine juniorar i Bergen og spelar Nordnes GP. Alexander spelar i gruppe A, Sigve og Kjetil spelar i gruppe B. Rating (29.09.08) FIDE har og publisert nye ratingtal. Odd går fram nesten 40 poeng sidan sist liste. I tillegg har Lisbeth fått notert sin første internasjonale rating med 1717. For resten av medlemmane er det mindre eller ingen endringar. Rating (28.09.08) Forbundet har publisert ny offisiell ratingliste pr. september 2008. Spesielt Lisbeth sin store framgang på 288 poeng er verdt å merka seg. Lisbeth spelte Landsturneringa (9 parti) og Bergen Sommer NVGP (6 parti) i perioden. I tillegg til Lisbeth har Evy (+107) og Odd (+70) stor framgang. For resten av klubben sine medlemmer er det ingen eller mindre endring. Nordnes GP (28.09.08) Førstkommande helg arrangerer Nordnes SK GP-turnering på Nordnes bydelshus i Bergen. Turneringa er på 5 runder med start av første runde fredag 3. oktober. Det blir så 2 runder lørdag og 2 runder søndag. Det er mogleg å stå over fredagens runde og får 0,5 poeng for dette. Meir info finn de her. Bjørn skal sansynlegvis innover til Bergen lørdag og søndag. Han har plass til 2-3 spelarar i bilen. Ta kontakt på tlf 47398090 om de ynskjer å sitja på. EM for ungdom (28.09.08) Evy avslutta EM i sjakk for ungdom med 50% på dei tre siste partia sine. Etter kviledagen og wo i 6. runde vart det ein siger, ein remis og eit tap på dei siste rundane. Det vart 3 poeng av 9 mogelege og 49. plass i klassen. Dette var eit resultat over forventa i høve til nasjonal rating, og Evy tar med seg ca 40 ratingpoeng heim til Noreg i lag med mange inntrykk etter 12 dagar i MonteNegro. Meir om dette seinare.   Det er lagt ut fyldige reisebrev på Tromsø sjakklubb. Bilder finn de ved å klikka på bilda i reisebreva. EM for ungdom (17.09.08) 1. runde av EM for ungdom gav mager poengfangst for dei norske spelarane. Totalt 1,5 av 8 moglege poeng. I andre runde som vart spelt tirsdag tok dei norske spelarane imponerande 6,5 av 8. Evy avgav i partiet mot Guilia Tonel (ITA 1983) remis. Arrangøren har oppdatert partibasen med dei fleste partia frå 2. runde. Evy sitt parti er nr 141. I tredje runde ventar Maria Vladimirova (BUL 2009). Beate Forså er reiseleiar for den norske troppen som tel 8 spelarar og 5 vaksne. Ho vil legga ut fyldige reisebrev på Tromsø sjakklubb etterkvart som den ustabile internettforbindelsen tillet dette. EM for ungdom (14.09.08) Etter ei lang reise som starta i går ettermiddag med fly til Gardermoen, overnatting på hotell, og avreise til Dubrovnik klokka 04.30 er endeleg den norske troppen på plass i Herzeg Novi i Montenegro. I dag er det registrering og opningsseremoni. 1. runde startar i morgon klokka 15.00. Om nettforbindelsen halder seg god, vil vi prøva å komma med daglege oppdateringar. Jubileums BGP/UGP III (17.08.08) Masfjorden SKU startar opp aktivitetane sine no i slutten på august. Første klubbkveld blir torsdag 21. august klokka 18.15-20.30 på Sandnes skule. Klubben vil og arrangere BGP/UGP turnering på Sandnes skule lørdag 6. september. For meir info, klikk her. NM i kafesjakk. (11.08.08) Ei rekkje spelarar frå klubben deltok som vanleg i den tradisjonsrike NM i kafesjakk på Sardinen sist fredag. Her vart Bjørn best av klubben sine medlemmar med 3 av 6 poeng og ein 36. plass blant dei 79 deltakarane. Resultatlister. Bergen Sommer NVGP. (11.08.08) Lisbeth vart den beste av våre to jenter i A-gruppa i Bergen Sommer NVGP forrige veke. Med 3 poeng og 8 plass kan ho notera seg for ein fin pluss score i turneringa. Evy vart nr 11 av dei 14 spelarane i gruppe A. Yngve kjempa heile veka i toppen av gruppe B. I 6. og siste runde møtte han Pål Moe til rein finale. Yngve kjempa lenge i dette partiet, men måtte til slutt gje tapt. Sjølv med dette tapet vart det ein gledeleg 2. plass av dei 16 som deltok. Bjørn fulgte opp med 6. plass i samme gruppe. Resultatlister. Bergen Spillfestival BGP. (11.08.08) Kjetil var einaste spelar frå klubben som deltok i Bergen Spillfestival BGP lørdag 2. august. Som einaste spelar i miniputt vart han satt opp mot eldre og langt meir erfarne spelarar. Det vart tilslutt 2,5 poeng og ein fin fin 9. plass i den samanslåtte gruppa. Resultalister. Bergen Spillfestival BGP. (29.07.08) Bergens SKU inviterer til haustens første BGP på lørdag. Spelestad er Torgallmenningen med oppmøte og registrering frå klokka 10.00. Meir info og påmeldte finn de her. Bergen Sommer NVGP. (23.07.08) Søndag 3. august startar den tradisjonelle Bergen Sommer NVGP på Nordnes bydelshus i Bergen. Blant dei 17 påmelde finn me 4 spelarar frå klubben. Arrangøren minner om ordinær påmeldingsfrist som er 1. august. Etter dette blir det eit påslag i påmeldingsavgifta på 50 %. Informasjon Påmelding Liste over påmelde   Oppsummering av NM. (20.07.08) Forrige veke deltok 8 spelarar frå Masfjorden i Landsturneringa, NM i sjakk 2008 i Tønsberg. Av våre var det Odd, Sigve og Lisbeth som plasserte seg høgast i sine respektive klassar i hovudturneringa. I tillegg kom 4 av spelarane til finalespel i sine klassar i NM lynsjakk. Her gjekk Arn-Tore heilt til topps i klasse 1. Odd tok ein svært sterk 2. plass i klasse Senior. Les meir her.   Evy til EM i sjakk. (18.07.08) Styret i Ungdommens Sjakkforbund tok rett før NM Evy ut til EM i sjakk for jenter i aldersgruppa 16-18 år. Dette er første gang på 27 år at ein spelar frå klubben representerer Noreg i aldersbestemte meisterskap. Evy er med dette rangert som nr 2 blant dei aktive jentene i denne årsklassen. Lisbeth er rangert som nr 3 i samme klasse som Evy og er med det 1. reserve. Evy og Lisbeth var blant masfjordingane som sist veke deltok i Landsturneringa i Tønsberg. Meir om dette seinare. Avisa Nordhordland hadde denne saken som førstesideoppslag onsdag 16. juli.   Landsturneringa. (10.07.08) 6 runder av årets Landsturnering er no ferdig spelt. Odd er med i teten av senior A med 4 av 6 poeng. Det samme har Kjetil i miniputt. Kjersti har 3,5 i klasse 5, Lisbeth det samme i klasse 3. Arn-Tore har 3 poeng i klasse 1. Evy 2,5 poeng i klasse 2. Elin har så langt 1,5 poeng i klasse 4. I tillegg til hovudturneringa er det mykje å delta i for den spelelystne. Tirsdag var det laglyn der alle Masfjordingane utanom Odd deltok på ulike lag. Ingen av desse gjekk vidare frå innleiande rundar. Onsdag var det tid for den tradisjonelle fotballturneringa. Her deltok og fleire av Masfjordingane. Landsturneringa. (06.07.08) Etter  runder av årets Landsturnering står Elin (klasse 4), Kjersti (klasse5), Sigve (kadett B) og Odd (senior A) med 1,5 poeng. Kjetil (miniputt) og Arn-Tore (klasse 1) har 1 poeng. Evy (klasse 2) har tapt begge dei første partia.